Nə yaxşı olardı ki, ər və arvad bir-biri ilə dost olsunlar. Bir-birinin abır, hörmət və kəramətini qorusunlar. Müştərək həyatın şadlıq, qəm, qüssə, çətinlik, zəhmət və narahatçılığı zamanı bir-birinə dayaq və kömək olsunlar. Zahir və batində (ürəkdə və dildə) bir-birinə sədaqətli olsunlar. Problemlərin həllində bir-birinə kömək kömək etsinlər. Çətinliklərdə bir-birni tək və köməksiz qoymasınlar.
Öz sərvət və qüdrətlərindən yaşayışlarının normallaşması və övladlarının layiqli təlim-tərbiyəsi və başqa xeyir işlərdə istifadə etsinlər.
Bir-birinin hüquqlarına qarşı sayğılı, əmanətdar və diqqətli olsunlar. Bir-birnin valideynləri onlara ehtiyaclı olduğu zaman, onlara fiziki, maddi və mənəvi kömək etsinlər.Kişinin vəzifələrindən biri də ailənin yaşayış xərclərini təmin etməsidir.Kişinin vəzifəsidir ki, yaşayış üçün lazım və zəruri olan hər bir şeyi və hər bir şərait və avadanlığı hazırlayaraq, minnətsiz olaraq ailsənin ixtiyarınada qoysun. Amma qadın ailənin yaşayış xərclərini ödəmək baxımından heç bir məsuliyyət daşımır. Baxmayaraq ki, ərinin və özünün razılığı ilə işləyib pul qazana bilər və öz qazandığına tam malikdir və kişinin onun qazancında heç bir haqqı yoxdur və kişi bu pulu və malı, arvadının icazəsi olmadan xərcləyə və həmçinin arvadını ailənin xərclərini ödəməyə məcbur edə bilməz. Islam dinində kişinin qadının üzərində heç bir iqtisadi hökmranlığı yoxdur və qadını işçi qüvvə kimi istismar edə bilməz, həmçinin qadının iş və əməyindən onun icazəsi olmadan istifadə və bəhrələnmək haqqı yoxdur. Islam dini qadına iqtisadi müstəqillik vermiş və kişiyə qadının iş və ticarətində qəyyumluq haqqı verməmişdir. Əlbəttə, kişi və qadın, ailə və övladlarının yaxşı yaşayışını təmin etmələri üçün bir-birinə köməkçi olmalı və daha yaxşı olardı ki, qadın mənzildən kənarda ağır, yorucu və qeyri-zəruri işlərlə məşğul olmasın və öz qadın zərifliyi ilə azad və şad yaşasın... Bəli qadın öz razılığı və ərinin icazəsi ilə münasib bir işlə məşğul olarsa, o eliyə bilər öz qazancını istədiyi xeyir işlərdə xərcləsin və ya ailəsinin məxaricinin təmin olmasında ərinə kömək etsin. Amma kişinin onu bu işə məcbur etməyə haqqı yoxdur. Həmçinin onun xeyir əməllər üçün xərclərinin qarşısını almağa və ya onun malından istifadə etməyə və ya evin xərclərini ona ödətdirməyə haqqı çatmır. Əgər belə edərsə günahkar və zalimdir və onun malından işlətdiyi və öz üzərində olan ödəmədiyi vacib xərcləri (nəfəqə-aliment) ona borcludur. Bu dediklərimiz İsalm dininin vacib qanunları idi və bunlara riayət etmək ədalətin icrasıdır. Amma möminlər ədalətlə yanaşı, ondan daha üstün bir sifətə malik olmalıdırlar: - RƏHMƏT (fədakarlıq və bağışlamaq və öz hüquqlarına sevgi və məbbət uğrunda göz yummaq). Islam dinində qanunlardan başqa, əxlaqi vəzifələrdə vardır ki, insanı kamala çatdırır və insanları bir-birinə kömək, sevgi, məhəbbət və mehribanşılıqla yaşamağa dəvət edir. Ailə ocağı ər-arvadın özləri və övladları üçün qurduğu isti və şirin bir yuvadır. Bu yuvanı isti, soyuq, qar-yağış, tufan və müxtəlif cür fəlakətlərdədn qorumaq üçün, ər və arvad eşq və məhəbbəti özlərinə qanun edib, əl-ələ verib, bir-birinə kömək və arxa duraraq yaşamalıdırlar. Onlar həm ailədə və həmdə qohumluqda bir-birinin ailəsinə qarşı mehriban və sevimli olmalı və yeri gələrkən bir-birinin ailəsinə maddi və fiziki köməklər göstərməlidirlər. Onlar unutmamalıdırlar ki, onlar da bir zaman, həyatın isti-soyuq və müxtəlif hadisələrindən, ata-ana deyilən müqəddəs varlıqların isti və mehriban qanadları altına sığınaraq xilas olmuşdurlar. Indi isə özləri yuva sahibi olmuş və ata-analar isə qocalıb, zəifləmişlər və belə vaxtda onları unutmaq ən böyük və bağışlanılmaz günahdır. Buna görədə ər və arvad simiclik və xəsislik etməməli və ata-analarına imkan daxilində kömək etməlidirlər. Bəlkə də “kömək etməlidirlər” ifadəsi onlaraın ülvü məqamlarına cəsarət və hörmətsizlikdir. Onların xərcini vermək övladlara vacibdir. Əgər onlar bir zaman özləri yuxusuz qalmışlar ki, övlad rahat yatsın, yamaqlı paltar geymişlər ki, övlad təzəsini geysin, ac yatmışlar ki, övlad tox olsun... Niyə övlad da onlar üçün bubu etməməlidir. Onlar bu işləri övlada borclu olmayıb, məhz sevgi və məhəbbət naminə bunu etmişlər, amma artıq övlad bunu onlar üçün etməyə borcludur, onları sevməsədə belə... Əli (ə) buyurur: “Paxıllıq bütün çirkinlik, pislik və eybləri özündə bir yerə yığmışdır. Paxıllıq bir ipdir ki, ğz sahibini hər pisliyə tərəf çəkir.”Paxıllıq alicənablığı və səxavətli olmağı məhv, gözəlliyi çirkin və eybləri çox edir və düşmənlik odunu şölələndirir. Paxıllığ ailə sağlamlığının düşmənidir.
- Bəharul-ənvar, 73/307; Nəhcül-bəlağə;
Baxış sayı: 5
Açar sözlər: ana-ailə
Yenicə ailə həyatı qurub, təkliyin qorxulu qaranlığından xilas olmuş cavanlar, həyatlarını dostluq, sədaqət və kömək üstə qurmalı və bilməlidirlər ki, ailə məhəbət, səfa, səmimiyyət, sədaqət və birgə çalışmaq və həmkarlıq ocağıdır. Onlar müştərək həyatın iş və məsuliyyətlərini razılıq və ikitərəfli anlaşma ilə öz aralarında bölməlidirlər. Işləri böldükləri zaman çalışmalıdırlar ki, hər biri daha çox vəzifə və xidmət öhdələrinə götürsünlər ki, sədaqət, dostluq və fədakarlıq peymanına əməl etmiş olsunlar.
Həzrət Əli (ə) və Fatimə (s) müştərək həyatlarının işlərinin bölüdürülməsi barədə peyğəmbərdən (s) kömək istədilər. O həzrət (s) ev işlərini Fatimənin (s) və çöl işlərini Əlinin (ə) öhdəsinə qoydu. Bu bölüşdürmədən sonra həzrət Fatimə (s) şadlıq və sevinc içində buyurdu: Mənim şadlıq və xoşhallığımı Allah-taaladan başqa heç kəs bilmir. Atam çətin işləri və naməhrəmlərlə üz-üzə gəlməyi mənim öhdəmdən götürdü. Bu bölüşdürməyə əsasən həzrət Zəhra (s) evin işlərini görürdü: un əyirirdi, xəmir edirdi, çörək bişirirdi və evin təmizliyinə baxırdı. Əlidə (ə) çöl işlərini edirdi: odun, su, un və evə lazım olan əşyaları bazardan alıb evə gətirirdi.Amma Əli (ə) şəhərdə olmadığı zaman, həzrət Fatimə (s) çöl işlərinidə yerinə yetirirdi. Əlidə (ə) evdə olarkən vaxt oıduqda ev işlərində ona kömək edirdi: ev süpürür, əl dəyirmanında buğda üyüdür və bəzən hətta xəmirdə yoğururdu. Günlərin birində peyğəmbər (s) onları görməyə getmişdi. Gördü ki, Əli (ə) və Fatimə (s) oturub əl dəyirmanı ilə buğda üyüdürlər. Peyğəmbər (s) buyurdu: ailəsinə kömək edənlər, yalnız şəhidlər, siddiqlər və o kəslərdir ki, Allah-taala dünya və axirətin xeyrini onlar üçün istəmişdir. Peyğəmbər (s) onları belə gördükdə sevindi və istədi ki, özüdə onlara kömək etsin, buyurdu: hansınız yorulmusunuz? Əli (ə) tez dedi: ey Allahın rəsulu (s) Fatimə çox yorulubdur. Peyğəmbər (s) buyurdu: Qızım qalx ayağa və özü onun yerində oturub, dəyirman daşını fırlamağa başladı.Amma bu cür ilahi nümunələrin olmasına və peyğəmbərin (s) sifarişlərinə baxmayaraq, yenədə bəzi kişilər güman edirlər ki, kişi evdə əlini ağdan-qaraya vurmamalıdır, bəlkə daim əmr etməli və hər şeyin hazırı onun qabağına gəlməlidir. Elə bilir ki, qadın həmişə qul kimi işləməli və ərinin bütün göstərişlərini sorğu-sualsız yerinə yetirməlidir.Bəlkə bilmirlər ki, qadın İslamda iş və fəaliyyət baxımından azaddır, yəni qadına vacib deyil ki, evdə qul kimi kişinin qulluğunda dursun, onun üçün yemək bişirsin, qab yusun, ev süpürsün, paltar yusun və s... Həmçinin kişinin onu bu işlərə məcbur etmək hüququ yoxdur. Hətta qadın uşağa süd vermək üçün ərindən süd pulu və ya dayə tələb edə bilər. Amma qadınlar yaradılışlarındakı eşq, məhəbbət, iman, fədakarlıq, övlad məhəbbəti, zəriflik, gözəllik və təmizlik sevərliklərinə görə bütüb bu işləri can-başla və təmənnasız yerinə yetirir və bütün bunların müqabilində kişidən bir şey istəyirlər: HƏQİQİ SEVGİ VƏ MƏHƏBBƏT;Allahın rəsulu (s) buyurur: “Qadın üçün ərinə bir cam su vermək bir ilin ibadətindən üstündür... Allah-taala qadına, ərinə verdiyi bir cam suya görə, cənnətdə gözəl bir qəsr bina edir və altımış günahını bağışlayır.”Kişi bu ilahi nemətin qədrini bilməli, arvadının zəhmətlərinin qarşısında ona öz təşəkkür və minnətdarlığını bildirməlidir.
Kişi vəfalı, həyalı, işgüzar, zəhmətkeş arvadının qədrini bilməli, ona hörmət etməli, onunla mülayim, səmimi və dostcasına davranmalı və imkanı olarkən onun zəhmətlərini gözəl hədiyyələrlə qiymətləndirməlidir.
- Müstədrəkül vəsayil, 2/551;
Baxış sayı: 3
Açar sözlər: qaynana
Nə yaxşı olardı ki, ər və arvad bir-biri ilə dost olsunlar. Bir-birinin abır, hörmət və kəramətini qorusunlar. Müştərək həyatın şadlıq, qəm, qüssə, çətinlik, zəhmət və narahatçılığı zamanı bir-birinə dayaq və kömək olsunlar.
Zahir və batində (ürəkdə və dildə) bir-birinə sədaqətli olsunlar. Problemlərin həllində bir-birinə kömək kömək etsinlər. Çətinliklərdə bir-birni tək və köməksiz qoymasınlar. Öz sərvət və qüdrətlərindən yaşayışlarının normallaşması və övladlarının layiqli təlim-tərbiyəsi və başqa xeyir işlərdə istifadə etsinlər. Bir-birinin hüquqlarına qarşı sayğılı, əmanətdar və diqqətli olsunlar. Bir-birnin valideynləri onlara ehtiyaclı olduğu zaman, onlara fiziki, maddi və mənəvi kömək etsinlər.Kişinin vəzifələrindən biri də ailənin yaşayış xərclərini təmin etməsidir.Kişinin vəzifəsidir ki, yaşayış üçün lazım və zəruri olan hər bir şeyi və hər bir şərait və avadanlığı hazırlayaraq, minnətsiz olaraq ailsənin ixtiyarınada qoysun. Amma qadın ailənin yaşayış xərclərini ödəmək baxımından heç bir məsuliyyət daşımır. Baxmayaraq ki, ərinin və özünün razılığı ilə işləyib pul qazana bilər və öz qazandığına tam malikdir və kişinin onun qazancında heç bir haqqı yoxdur və kişi bu pulu və malı, arvadının icazəsi olmadan xərcləyə və həmçinin arvadını ailənin xərclərini ödəməyə məcbur edə bilməz. Islam dinində kişinin qadının üzərində heç bir iqtisadi hökmranlığı yoxdur və qadını işçi qüvvə kimi istismar edə bilməz, həmçinin qadının iş və əməyindən onun icazəsi olmadan istifadə və bəhrələnmək haqqı yoxdur. Islam dini qadına iqtisadi müstəqillik vermiş və kişiyə qadının iş və ticarətində qəyyumluq haqqı verməmişdir. Əlbəttə, kişi və qadın, ailə və övladlarının yaxşı yaşayışını təmin etmələri üçün bir-birinə köməkçi olmalı və daha yaxşı olardı ki, qadın mənzildən kənarda ağır, yorucu və qeyri-zəruri işlərlə məşğul olmasın və öz qadın zərifliyi ilə azad və şad yaşasın... Bəli qadın öz razılığı və ərinin icazəsi ilə münasib bir işlə məşğul olarsa, o eliyə bilər öz qazancını istədiyi xeyir işlərdə xərcləsin və ya ailəsinin məxaricinin təmin olmasında ərinə kömək etsin. Amma kişinin onu bu işə məcbur etməyə haqqı yoxdur. Həmçinin onun xeyir əməllər üçün xərclərinin qarşısını almağa və ya onun malından istifadə etməyə və ya evin xərclərini ona ödətdirməyə haqqı çatmır. Əgər belə edərsə günahkar və zalimdir və onun malından işlətdiyi və öz üzərində olan ödəmədiyi vacib xərcləri (nəfəqə-aliment) ona borcludur. Bu dediklərimiz İsalm dininin vacib qanunları idi və bunlara riayət etmək ədalətin icrasıdır. Amma möminlər ədalətlə yanaşı, ondan daha üstün bir sifətə malik olmalıdırlar: - RƏHMƏT (fədakarlıq və bağışlamaq və öz hüquqlarına sevgi və məbbət uğrunda göz yummaq). Islam dinində qanunlardan başqa, əxlaqi vəzifələrdə vardır ki, insanı kamala çatdırır və insanları bir-birinə kömək, sevgi, məhəbbət və mehribanşılıqla yaşamağa dəvət edir. Ailə ocağı ər-arvadın özləri və övladları üçün qurduğu isti və şirin bir yuvadır. Bu yuvanı isti, soyuq, qar-yağış, tufan və müxtəlif cür fəlakətlərdədn qorumaq üçün, ər və arvad eşq və məhəbbəti özlərinə qanun edib, əl-ələ verib, bir-birinə kömək və arxa duraraq yaşamalıdırlar. Onlar həm ailədə və həmdə qohumluqda bir-birinin ailəsinə qarşı mehriban və sevimli olmalı və yeri gələrkən bir-birinin ailəsinə maddi və fiziki köməklər göstərməlidirlər. Onlar unutmamalıdırlar ki, onlar da bir zaman, həyatın isti-soyuq və müxtəlif hadisələrindən, ata-ana deyilən müqəddəs varlıqların isti və mehriban qanadları altına sığınaraq xilas olmuşdurlar. Indi isə özləri yuva sahibi olmuş və ata-analar isə qocalıb, zəifləmişlər və belə vaxtda onları unutmaq ən böyük və bağışlanılmaz günahdır. Buna görədə ər və arvad simiclik və xəsislik etməməli və ata-analarına imkan daxilində kömək etməlidirlər. Bəlkə də “kömək etməlidirlər” ifadəsi onlaraın ülvü məqamlarına cəsarət və hörmətsizlikdir. Onların xərcini vermək övladlara vacibdir. Əgər onlar bir zaman özləri yuxusuz qalmışlar ki, övlad rahat yatsın, yamaqlı paltar geymişlər ki, övlad təzəsini geysin, ac yatmışlar ki, övlad tox olsun... Niyə övlad da onlar üçün bubu etməməlidir. Onlar bu işləri övlada borclu olmayıb, məhz sevgi və məhəbbət naminə bunu etmişlər, amma artıq övlad bunu onlar üçün etməyə borcludur, onları sevməsədə belə... Əli (ə) buyurur: “Paxıllıq bütün çirkinlik, pislik və eybləri özündə bir yerə yığmışdır. Paxıllıq bir ipdir ki, ğz sahibini hər pisliyə tərəf çəkir.”Paxıllıq alicənablığı və səxavətli olmağı məhv, gözəlliyi çirkin və eybləri çox edir və düşmənlik odunu şölələndirir. Paxıllığ ailə sağlamlığının düşmənidir.
- Bəharul-ənvar, 73/307; Nəhcül-bəlağə;
Baxış sayı: 2
Açar sözlər: arvad
Adı: ӘliLəqəbi: Әmirəl-mö᾽mininKünyəsi: Әbül-HəsənDoğulduğu tarix: Hicrətdən 23 il əvvəlXəlifəliyi: Hicrətdən 35 il sonraXəlifəlik müddəti: 5 il
Ömrü: 63 ilŞəhadəti: Hicri 40-cı ildə xaricilərdən olan Ibni Mülcəm (lə᾽) adlı bir şəxs tərəfindən qətlə yetirilmişdir.Məzarı: Iraq, Nəcəf şəhəri.
TӘVӘLLÜDÜ
Peyğəmbərin hicrətindən 23 il qabaq, cümə günü Rəcəb ayının 13-də Әbu Talibin ailəsində təkcə Məkkəyə deyil, bütün dünyaya nur saçan mübarək bir uşaq dünyaya gəldi.Bu təvəllüd haqqında Məkkə əhalisindən Qu᾽nəb adlı birisi belə deyir: Abbas ilə oturmuşduq ki, birdən əsəd qızı Fatimənin sancı çəkərək Kə᾽bəyə tərəf getdiyini gördük. O belə deyirdi:«Ey Allahım! Sənə və peyğəmbərinə inanıram. Sənin əmrinlə bu evi tikən peyğəmbərin (Ibrahimin), eləcə də bətnimdəki uşağın izzəti hörmətinə bu körpənin dünyaya gəlişi əziyyətini mənim üçün asan et».Elə həmin andaca Allah evinin yarılaraq, Fatimənin oraya girməsini daha sonra isə divarın bir-birinə yaxınlaşaraq bitişib bağlanmasını öz gözlərimizlə gördük. Hamımız qorxudan titrəyirdik. Daha sonra ayağa qalxdıq və sür᾽ətlə Kə᾽bəyə sarı qaçdıq ki, qapını açıb arvadlarımızı Fatiməyə kömək etmək üçün içəri göndərək. Amma nə qədər çalışdıqsa qapını aça bilmədik. Bu qəribə xəbər çox sür᾽ətlə Məkkənin hər tərəfinə yayıldıqda hamı bundan heyrətləndi. Məkkə qadınları Fatimə ilə görüşü həyəcanla gözləyirdilər. Nəhayət dörd gündən sonra Fatimə qucağında gözəl bir uşaqla Kə᾽bədən bayıra çıxıb dedi:«Allah qadınlar arasında məni seçdi, Onun evində ikən mənim üçün cənnət xörəklərindən və meyvələrindən göndərdi».Həzrət Fatimə evinə doğru gedən zaman ətrafına yığışan qadınların «uşağın adını nə qoyacaqsan?» - deyə verdikləri suala belə cavab verdi: «Allahın hərəmində əyləşdiyim vaxt nagahan səs eşitdim: uşağın adını Әli qoy».Bəli haqqında danışdığımız həzrət Әli əleyhissalamdır. O, ülvi şəxsiyyət körpəlik və uşaqlıq dövranını təmiz, pak bir şəkildə başa vurdu. Necə ki, həzrətin özü də bu barədə «Nəhcül-bəlağə»də belə buyurur:«Uşaqlığımda Peyğəmbər (s) məni qucağına alıb köksünə sıxar və yeməyi çeynəyib ağzıma qoyardı». UŞAQLIQ DÖVRÜ
Həzrət Әli əleyhissalamın özü bu dövr barədə belə buyurur: «Peyğəmbər hər il Hira dağına gedər və onu məndən başqa heç kəs görməzdi. Islamın hələ evlərə yayılmadığı ilk anlarda, təkcə Peyğəmbər ilə həyat yoldaşı Xədicə müsəlman olmuşdular. Mən isə vəhy və risalət nurunu görüb nübüvvət ətrini duyan ikinci şəxs idim.»Peyğəmbərin qohumlarını islama də᾽vət etmək üçün Allah əmri nazil olanda, həzrət Әli əleyhissalam Peyğəmbərin (s) yaxın adamlarından qırx nəfəri o həzrətin evinə qonaq çağırmışdı. Xörəyin azlığına baxmayaraq artıq hamı yeyib doymuşdu.Şam yeməyindən sonra Peyğəmbər (s) məclisdəkilərə xitab edərək buyurdu:«Ey Әbdülmüttəlib övladları! Allah mənə sizləri çağıraraq islamı sizlərə tanıtdırmağı əmr edib. Hər kəs mənə kömək edib dinimə iman gətirərsə, mənim qardaşım və xəlifəm olacaqdır.»Peyğəmbər (s) bu mətləbi üç dəfə təkrar etsə də Әlidən başqa heç kəs ona cavab vermədi. Həzrət Peyğəmbər (s) hər dəfə öz istəyini təkrar etdikdə yerindən qalxıb həzrətin əlindən tutan və ona iman gətirdiyini e᾽lan edən yeganə şəxs hələ uşaq yaşında olan həzrət Әli əleyhissalam idi. Elə bu əsnada Peyğəmbərimiz belə buyurdu:«Әli mənim qardaşım və xəlifəmdir. Onun sözünə qulaq asın və əmrlərinə itaət edin». GӘNCLIK DÖVRÜ
Həzrət Әli əleyhissalam artıq uşaqlıq və yeniyetməlik dövrünü geridə qoyub qüdrət və qüvvət çağı olan gəncliyə çatmışdı. Eynilə bir kəpənəyin şamın başına fırlandığı kimi, həzrət Әli əleyhissalam da həzrət Peyğəmbərin (s) başına fırlanaraq, biləyinin gücündən islamın və Peyğəmbərimizin xeyrinə istifadə edirdi.Misal üçün Hüneyn müharibəsində müsəlmanlar məğlub olub qaçdıqları vaxt Peyğəmbərin ətrafında gəzib onun vücudunu qoruyan və düşməni qorxudan təkcə həzrət Әli əleyhissalam idi.Xeybər müharibəsində kafirlərin sərkərdəsi olan, eləcə də hamının gücü və cəsarətindən qorxduğu Məhrabı yerə yıxmışdı, iyirmi nəfərin güclə açıb bağlaya bildiyi qapını qaldıraraq xəndəyin üstünə atmış və onu əsgərlərin üstündən keçə biləcəyi bir körpüyə çevirmişdi.Buna oxşar yüzlərlə misal həzrət Әli əleyhissalamın iman və fədakarlığının açıq dəlili tutarlı bir sübutudur. ӘLI ӘLEYHISSALAMIN FӘDAKARLIĞI
Insan məhz özünü çox sevdiyi və canını başqasına fəda etmədiyi bir halda, həzrət Әli əleyhissalam islamı və Peyğəmbəri (s) özündən daha çox sevdiyinə görə canını Peyğəmbərin yolunda fəda etməyə həmişə hazır idi.Bu hadisə Məkkə müşriklərinin özlərinin məğlubiyyət təhlükəsi ilə qarşı-qarşıya gördükdə bu barədə mühüm bir qərar çıxarmaq üçün toplandıqları zaman baş vermişdi.Onların hamısı Darün-nədvə adlı bir yerdə yığışaraq geniş müzakirədən sonra belə qərara gəldilər. Hər qəbilədən bir nəfər seçiləcəkdir ki, onlar gecə vaxtı Peyğəmbərin evinə həmlə edərək onu öldürəcəklər. Belələliklə bütün qəbilələr onun qanını tökməkdə şərik olduqlarına görə heç kim intiqam almağa təşəbbüs göstərməyəcəkdir.Onların bu planını Allah öz Peyğəmbərinə bildirmiş və ona hələ gecə ikən evindən çıxıb Məkkədən hicrət etməsini əmr etmişdi. Lakin Peyğəmbər (s) bu hədəf üçün canını fəda etməyə hazır olan e᾽tibarlı bir sirdaş axtarırdı. Bu fədakarlığı yalnız həzrət Әli əleyhissalam öz öhdəsinə götürə bilərdi.Məhz elə buna görə də Peyğəmbər (s) əhvalatı həzrət Әli əleyhissalama danışdı. Bu fədakar və mö᾽min cavan üzündə təbəssüm sevinərək bu işi bütün varlığı ilə qəbul etdi.Gecənin qaranlığı hər yeri bürümüşdü. Әli (ə) Peyğəmbərin yatağında arxayın və ürək rahatlığı ilə yatmışdı. Həzrət Peyğəmbər (s) də artıq evindən çıxıb Məkkənin kənarında olan Sövr mağarasına getmişdi. Qüreyşli qatillər evi mühasirə edib əllərində qılınc və bıçaq həmləyə hazırlaşmışdılar.Həmlə əmri verildikdə onların hamısı siyrilmiş qılıncla Peyğəmbərin evinə girib yatağına tərəf hücum etdilər. Lakin birdən-birə yataqdakının Әli olduğunu gördükdə sarsılmış və narahatlıqla Peyğəmbərin evini tərk edib dərhal atlıları o həzrətin dalınca göndərmişlər. Lakin çox keçmədi ki, əliboş və ümidlərini itirərək geri qayıtmışlar. ӘLI (Ә) VӘ ALLAH YOLUNDA MÜHARIBӘ
Islam həyat və sülh dinidir. Bu müqəddəs din insanların öldürülməsi ilə müxalifdir. Bu din günahsız bir insanı öldürən kimsəyə belə ağır cəzalar tətbiq edir. Lakin daxili və xarici düşmənlər müsəlmanlara qarşı təcavüzə əl atdıqda, o zaman bu müqəddəs din ağıl və şəriətə əsasən müdafiə etməyi əmr edir. Bu isə islam cihadının bir hissəsidir.Həzrət Peyğəmbərin (s) müdafiə xarakteri daşıyan bütün müharibələrində həzrət Әli əleyhissalam, saf ruhlu bir igid təkin, Peyğəmbərlə çiyin-çiyinə islam yolunda var qüvvəsilə döyüşürdü.O, Allahdan başqa heç bir şeydən qorxmayan bir mö᾽min bəndə, eləcə də yorulmaz bir mücahid sayılırdı. O, belə deyərdi: «Allaha and olsun ki, əgər haqqı bir tərəfdə və bütün xalqı da batil olaraq haqq müqabilindəki digər tərəfdə görsəm, haqq uğrunda tək-tənha qılınc oynadar, onların qabağında inamla duraraq bu yoldan bir an belə geri dönmərəm». ӘLI ӘLEYHISSALAMIN ӘDӘBI
Islam hökumətinin mərkəzi Kufə şəhəri idi. Elm öyrənməkdən ötrü dünyanın hər tərəfindən bu böyük islam mərkəzinə axışırdılar.Bir gün şəhər qırağında iki nəfər bir-biri ilə rastlaşmışdı. Bunlardan biri həzrət Әli əleyhissalam o birisi isə onu tanımayan bir xristian idi. Xristian Kufə şəhərinin ətrafındakı bir məntəqəyə, həzrət Әli əleyhissalam isə Kufəyə gedirdi. Onlar birlikdə olduqları müddətdə darıxmamaq üçün söhbətə başladılar. Yol ayrıcına çatdıqları vaxt xristian xudahafiz deyib yoluna davam etdi. Ancaq müsəlman yoldaşının, yolu başqa tərəfə olduğuna baxmayaraq onunla bir gəldiyini görüb heyrətlə soruşdu: Məgər siz Kufəyə getmirdiniz?həzrət Әli əleyhissalam buyurdu: Bəli.Xristian: Bəs onda nəyə görə bu tərəfə gəlirsiniz? – deyə soruşduqda həzrət Әli əleyhissalam cavab olaraq buyurdu:«Bir az səninlə birgə yerimək istəyirəm. Çünki Peyğəmbərimiz belə buyurub: «Iki nəfər yol yoldaşı olduqda bir-birlərinə haqq sahibi olurlar». Indi sənin mənim boynumda haqqın var ki, mən də bu haqqı ödəmək üçün səninlə bir az gələcəyəm. Beləliklə, haqqını bu dünyada ödəyəcək və sonra arxayınlıqla öz yoluma davam edəcəyəm».həzrət Әli əleyhissalamın bu insani rəftar və davranışı xristianın xoşuna gəlib öz-özünə dedi: «Islam əgər belə bir mədəni dindirsə, tərəfdarları bu qədər ali insanlardırsa, mən də gərək müsəlmanlığı qəbul edəm». Yoldaşının islam rəhbəri həzrət Әli əleyhissalam olduğunu bildikdə daha da heyrətlənən xristian dərhal Әli əleyhissalamın hüzurunda müsəlmanlığı qəbul edib islama iman gətirdi. HӘZRӘT ӘLININ ÖZÜNÜ ӘLӘ ALMASI
Insan təbii şəraitdə özünü daha yaxşı ələ ala bilər. Belə ki, müxtəlif pislik və günahlardan çəkinərək iradəsinə hakim olar. Lakin qəzəb, hirs və əsəbləşdikdə insanın haqqı görməsi və Allahı xatırlaması olduqca çətin və ağırdır. Buna görə də cinayətlərin çoxu adətən insanın normal vəziyyətdən çıxdığı vaxt baş verir.Amma kamilliyə çatıb, nəfsini tərbiyə etmiş həzrət Әli əleyhissalam kimi ülvi bir insanın rəftar və davranışı da digər insanlardan fərqlidir. Hər hansı bir vəziyyətdə olursa olsun yalnız Allahın razılığını nəzərdə tutur, Allaha görə olmayan işlərdən çəkinirdi.Istər evdə olsun, istər müharibə meydanında, istər sevincli anlarında olsun, istərsə də əsəbləşəndə onun üçün heç bir fərqi yox idi. Məsələnin daha da aydınlaşmasından ötrü o həzrətin müharibə meydanındakı rəftarına diqqət yetirək:Bütün Mədinə xalqının şəhər ətrafında böyük xəndəklər qazaraq, düşmənin yolunu bağlamaq üçün, su ilə doldurduğu Xəndək müharibəsində məşhur ərəb cəngavəri Әmr ibni Әbdüvəd düşmən əsgərləri arasında dolanaraq döyüşmək üçün özünə rəqib axtarırdı. Müsəlmanlar arasında onunla döyüşə girməyə heç kəs cəsarət etmirdi.Elə bu vaxt həzrət Әli əleyhissalam mətn addımlarla irəli addımlayıb iman dolu qəlbi ilə onun qarşısına çıxaraq belə buyurdu: «Ey Әmr! Başından yekə danışma! Səninlə döyüşmək istəyən qarşındadır!»Әmr həzrət Әli əleyhissalama baxıb lovğa-lovğa dedi: Geri qayıt! Səni öldürmək istəmirəm. Çünki atanla dost olmuşam.Әli (ə) ona belə cavab verdi:«Allaha and olsun ki, mən isə səni öldrümək istəyirəm».Bu sözdən hirslənib atından düşən Әmr qılıncını siyirərək həzrət Әli əleyhissalama həmlə etdi. Lakin qılınc şiddətlə Әlinin qalxanı ilə toqquşduqda həmləsi boşa çıxdı.Daha sonra həzrət Әli əleyhissalam onu yalnız bir zərbə ilə yerə yıxıb öldürmək üçün sinəsinin üstündə oturdu. Bu zaman Әmr həzrət Әli əleyhissalamın mübarək üzünə tüpürdü. həzrət Әli əleyhissalam birdən Әmrin sinəsi üstündən qalxıb bir müddət meydanda yeridikdən sonra təzədən Әmrə tərəf getdi. Әmr soruşdu: O cür zərbədən sonra məni buraxmağının mə᾽nası nədir?»Həzrət Әli əleyhissalam buyurdu: «Ey Әmr! Mən Allah üçün qılınc çəkirəm, öz nəfsim üçün yox. Səni yerə yıxıb sinən üstündə oturduğum vaxt üzümə tüpürdün və məni hirsləndirdin. Әgər o anda səni öldürsəydim, savab qazanmayacaqdım. Çünki artıq əsəbləşmişdim. Buna görə də sənin üstündən qalxdım və bir az yeriyib hirsimi yatırtdım».Həzrət Әli əleyhissalamın şücaəti, səbri və nəfsinə hakim olması ərəb pəhlivanı Әmrə çox böyük tə᾽sir etmişdi. Hamı istər dost, istərsə də düşmən, həzrət Әliyə diqqət yetirirdi. Dostların dilindən təkbir səsləri ucalarkən, düşmənin canını artıq qorxu bürümüşdü ki, bu da düşmənin tam məğlubiyyətinə zəmin hazırlamışdı. Həzrət Peyğəmbər (s) Әli əleyhissalamın bu səciyyəvi qələbəsi haqqında belə buyurmuşdu:«Әlinin Xəndək müharibəsində gördüyü iş və endirdiyi zərbənin dəyəri Allah yanında insanların və cinlərin ibadətindən daha çox və üstündür». HӘZRӘT ӘLININ MEHRIBANLIĞI
Həzrət Әli əleyhissalamın müharibə meydanında göstərdiyi qəhrəmanlıq və igidliyini müşahidə etdik, lakin qəhrəman və qorxmaz bir insanın əgər mərhəmət və mehribanlığı olmazsa, o qəhrəmanlığın heç bir dəyəri yoxdur. O, müharibə meydanında yeridikdə yaralıların, acların və susuzların halını gözləyirdi. Quduz düşmənləri öldürər ac yaxud susuz bir düşmən əsgəri ilə qarşılaşıb üzbəüz gəldikdə isə ona rəhm edib, yarasını müalicə edərdi.Düşmənlərlə qəhrəmanlıqla döyüşərdi. Lakin heç vaxt düşməni ac və susuz öldürməz, ev və ocaqlarını dağıtmazdı. Çünki o, belə rəftar və davranışın imana zidd olmasını bilirdi.Məhz elə buna görə də Siffeyn müharibəsində suyu Müaviyə ordusunun əlindən almağa müvəffəq olduğu halda, əsgərlərinə əmr etdi ki, onu bağlamasınlar. Eləcə də düşmən əsgərləri sudan istifadə etmək istədikdə onlara mane olmasınlar.Bu zaman həzrət Әli əleyhissalamın ordusunda olanlar e᾽tiraz edib dedilər: Düşmən bizi sudan uzaqlaşdıraraq bununla da bizləri təslim olmağa məcbur etmək istəyirdilər. Әgər eyni işi biz də görsək, biz də mütləq müvəffəq olar, bu müharibədə qələbə çalarıq. Gərək bu fürsətdən istifadə edək.Әli (ə) onların cavabında belə buyurdu: «Xeyr, biz düşmələ kişi kimi döyüşəcəyik. Biz belə işləri mərhəmət və şəfqətə zidd hesab edirik. Әgər onların gördüyü işi biz də görməli olsaq o zaman onlarla aramızda olan fərq nədir? Bilin ki, bütün işlər Allah üçündür və biz də Onun əmrinə zidd rəftar etməməliyik.» ӘLI ӘLEYHISSALAMIN RӘHBӘRLIK DÖVRÜNDӘKI DAVRANIŞLARI
1. Xalq ilə birgəBütün çətinliklərə baxmayaraq Әli (ə) şəxsən özü xalqın işlərinə yetişir, onların ağır problemləri ilə yaxından tanış olurdu. Heç vaxt o, düşmənlə şəxsi qərəzlik üzündən düşmənçilik etməzdi. Hətta onların maaşlarını da beytul-maldan verərdi. Dostlarına isə dostluqlarına görə, güzəştə getməzdi. Әtrafındakılara isə həmişə xalqla ədalətli və insaflı davranmalarını əmr edərdi. Qur᾽ana zidd olan işləri əsla bağışlamazdı.Misal üçün Sudə adlı bir qadın haqqını almaq üçün onun yanına gəldikdə, həzrət namaz qılırdı. Әli (ə) namazını tez qurtarıb təbəssümlə ondan soruşdu: «Nə istəyin var?» Gözü yaşlı Sudə vergi mə᾽murundan və onun etdiyi zülmlərdən o həzrətə şikayət etdi.Həzrət Әli əleyhissalam elə həmin yerdə ağlayaraq buyurdu: «Allahım! Sən şahidsən ki, mən onlara Sənin bəndələrinə zülm etməmələrini əmr etmişəm». Sonra bir dəri parçası götürüb mə᾽murunu mə᾽murluq vəzifəsindən azad etdiyini yazıb məktubu Sudəyə verdi ki, aparıb həmin mə᾽mura çatdırsın.Daha sonra Әli (ə) belə buyurdu: «Allaha and olsun, əgər əlimdə olan bu vəzifədən məzlum insanların qurtuluşu üçün istifadə edə bilməsəm, əgər zülmün qarşısını ala bilməyib haqqı bərpa etməyi bacarmasam, bu vəzifə mənim üçün köhnə ayaqqabıdan da dəyərsiz olacaq. Rəhbərlik və xəlifəlik mənim üçün hədəf deyildir. Bu məqam ona görədir ki, ondan məhrum və məzlum xalqların xeyrinə istifadə edəm.»2. Ayrı-seçkiliyin aradan qaldırılmasıXalq həzrət Әli əleyhissalama bey᾽ət edikdə o həzrət minbərə çıxıb buyurmuşdu:«Allaha and olsun, o zamana qədər ki, Mədinədə tək bir xurma ağacım var, özümə beytül-maldan bir şey götürməyəcəyəm».Qardaşı Әqil ayağa qalxıb dedi: «Məni Mədinədə yaşayan zənci ilə bir tutursan?» Әli (ə) belə buyurdu: «Otur qardaşım, sənin o zənci ilə müqayisədə iman və təqvandan başqa heç bir üstünlüyün yoxdur». Daha sonra Әli (ə) e᾽lan etdi ki, hökumətində ayrı-seçkiliyə yol verməyəcəkdir.Yenə bir yay axşamı qardaşı Әqil, qardaşını evinə şama qonaq çağırmışdı. O güman edirdi ki, bununla da maaşının çoxaldılmasını həzrət Әli əleyhissalama qəbul etdirə biləcəkdir. Әli əleyhissalam belə buyurdu: «Hazrıladığın bu şamın pulunu haradan qazanmısan?»Әqil cavabında belə dedi: «Mən və arvadım öz şəxsi xərclərimizi azaldıb qalan pulu yığıb sənən yaxşı yemək hazırlamaq istədik».Həzrət Әli əleyhissalam belə buyurdu: «Sabahdan sənin aylıq maaşını sənə kifayət edəcək qədər verəcəyəm (yə᾽ni azaldacağam). Çünki e᾽tiraf etdiyinə görə bir az qənaət edəndə daha az xərcləyirsən».Әqil qardaşının sözlərindən hirslənib çığır-bağır salmağa başladıqda həzrət Әli əleyhissalam yanındakı dəmiri odda qızdırıb qardaşının əlinə basdı. Әqil qırşqırıb «vay yandım» - dedi. həzrət Әli əleyhissalam bu zaman belə buyurdu: «Qəribədir, sən mənim yandırdığım oddan qorxub qışqırdığın halda necə olur ki, öz rahatlığın üçün Allahın mənə hazırladığı əzab odunda yanmağıma razı olursan. Bu var-dövlət xalqındır və mən də onların e᾽tibar etdikləri adamam».Yenə də şahid oluruq ki, onun yanında çalışan mə᾽murlardan bə᾽zisi həzrətin bu mövqeyinə e᾽tiraz edib belə deyirlər: Әgər üsyan edənlərə və qoşun başçılarına bir az artıq qiymət versəydin, yenicə qurulmuş bir islam sistemini daha yaxşı idarə etmək qüdrət və ədalətlə hökumətə rəhbərlik edə bilərdin.Imam (ə) isə onların cavabında buyururdu: «Çox qəribədir, siz məndən islam naminə qurulmuş hökumətin təməlini zülm və ədalətsizlik üstündə qurmağımı tələb edirsiniz? Allaha and olsun ki, əsla bu işi görmərəm! Hətta bütün müsəlmanların dövləti mənim olsa belə yenə də belə bir işə girişmərəm. Halbu ki, bu mallar xalqındır və mən onların e᾽tibar etdiyi bir nəfərəm».Bir gün Bəsrə valisi Hüneyfin oğlunun əşraflarından birisinin qonağı olduğunu və fürsət gözləyən qaniçənlərin isə onun siyasi mövqeyindən istifadə edəcəklərini eşitdikdə həzrət Әli əleyhissalam çox hirsləndi və onu məzəmmət edəcək bir məktub yazıb onun üçün göndərdi: «Eşitmişəm yoxsulların olmadığı dövlətlilərin süfrəsində oturubsan. Bunu bil ki, sənin rəhbərin və imamın olan mən, əgər istəsəm ən yaxşı və ləziz yeməkləri yeyə bilərəm. Amma mən heç vaxt bu işi görmədim. Çünki məmləkətdə ac qarnına yatanlar ola bilər. Mən sizin dünyanıza təkcə xurma və çörəkdən ibarət az bir xörəklə və sadə bir paltarla qənaət etdim. Siz mənim kimi ola bilməsəniz də çalışın ki, yolunuz məndən ayrılmasın». Həzrət Әli əleyhissalam bu məktubla ona xəbərdarlıq edərək öz rəhbərlik borcunu yerinə yetirdi.Imam əleyhissalamın həyatı başdan-başa ədalətlə zəngindir. Bir gün o həzrətin düşməni olan Müaviyə onun əshabından biri olan Әdiy ibni Hatəm ilə qarşılaşıb ona belə sual verdi: Әlini imamət və xəlifəliyi zamanında necə gördün? O, isə cavabında «quldurlar onun hökumətində quldurluq edə bilməz, gücsüzlər isə onun ədalətindən həmişə faydalanıb ümidsizliyə düşməzlər» - deyə söylədi.Həzrət Әli əleyhissalamın özü də həmişə belə buyurardı: «Xalq məni özünə rəhbər və xəlifə seçdiyi halda, camaatın müxtəlif problem və çətinliklərinə şərik olmağım zəruri deyilmi?»Tarixdən mə᾽lum olduğu kimi, bir gün qoşun başçıları keçmiş səhabəsi olan Ibni Abbas ilə birlikdə onun hüzuruna gəldikdləri zaman rəhbərlərinin ayaqqabısını yamaqlamaqla məşğul olduğunu gördülər. Әli (ə) onlara belə buyurdu: «Bu ayaqqabının dəyəri nə qədərdir?»Ibni Abbas dedi: Onun dəyəri bir neçə dirhəmdən artıq olmaz.Həzrət Әli əleyhissalam buyurdu: «Allaha and olsun ki, əlimdə olan bu vəzifədən zülmün qarşısını almaq və haqqı bərpa etmək üçün istifadə edə bilməsəm, mənim üçün bu ayaqqabıdan daha dəyərsizdir.»Yə᾽ni bu məqam və rəhbərlik mənim üçün hədəf olmayıb, yalnız məhrum xalqların xeyrinə istifadə etmək üçün yeganə vəsilədir.3. Şikayətləri araşdırmaqHəzrət Әli əleyhissalam öz hökuməti və rəhbərliyi dövründə şəxsən şikayətləri dinləyərək məsələləri özü həll edirdi.Әgər bir nəfərin şikayəti olsaydı, imamın yanına rahatlıqla gəlib şikayətini ona söyləməsi üçün, yayın isti günlərində xalqın istirahət etdiyi bir divarın kölgəsində oturardı.Isti günlərin birində həzrət yenə də bir divarın kölgəsində oturmuşdu. Bir qadın ona tərəf gəlib narahatlıqla dedi: Әrim mənə zülm edib bu istidə məni evdən çölə atıb. O, həzrət Әli əleyhissalamdan bu məsələni həll etməsini xahiş etdi.Həzrət Әli əleyhissalam belə buyurdu: «Ay xanım, hava çox istidir. Hava sərinləyənə kimi dözə bilsən, yaxşı olar. Onda mən də səninlə birlikdə bu məsələyə sərəncam çəkərəm.» Qadın belə dedi: Qorxuram ərim yenə hirslənsin. Әgər mümkünsə tez gedək!Әli əleyhissalam qadına belə buyurdu: Yaxşı, sən get! Mən də dalınca gəlirəm. Әli (ə) o qadınla birlikdə gedib o cavan oğlanın qapısını döydü. Qapıya gələn ev yiyəsi Әli (ə) tanımamışdı. Amma başa düşmüşdü ki, arvadı bu kişini köməyə çağırıb.Әli əleyhissalam ev yiyəsinə belə dedi: Bu xanım deyir ki, sən onu evdən qovmusan. Mən gəlmişəm ki, sənə nəsihət verib deyəm ki, Allahdan qorxub arvadınla yaxşı rəftar edəsən. Məğrur cavan həzrət Әli əleyhissalama pis sözlər söylədikdən sonra dedi: Bunun sənə heç bir dəxli yoxdur. Mən istədiyim işi görərəm. Hələ üstəlik səni də öz yanında gətirdiyinə görə vay olsun onun halına.Imam (ə) cavan oğlanın sözlərindən narahat olub e᾽tiraz edərək səsini ucaltdı və onu cəzalandırmaq üçün əlini qılıncına tərəf apardı. Imamın səsini eşidən camaat evlərindən bayıra çıxmağa başladılar. Camaat Әli əleyhisaalamı görüb ehtiram ilə qabağa gəlib salam verdilər. Bunu görən cavan oğlan başa düşdü ki, qarşısında duran həzrət Әli əleyhissalamdır. Bilmirdi ki, nə etsin. Әlinin ayaqlarına düşüb üzr istəməyə başladı: Nə əmr etsəniz itaət edəcəyəm və bundan belə arvadımla yaxşı rəftar edib onu narahat etməyəcəyəm.Әli əleyhissalam isə belə buyurdu: «Inşaallah elə olarsan». Daha sonra qadına tərəf dönüb dedi: Evinə qayıt. Inşaallah sən də ərinə yaxşı arvad olarsan. QӘDIRI-XUM HADISӘSI
Həzrət Peyğəmbər (s) hicrətin onuncu ilində həcc mərasiminin təntənəli bir şəkildə yerinə yetirilməsi üçün Allah evinə getmişdi. Çünki bu, Həzrət Peyğəmbərin (s) sonuncu həcci idi. Mərasimlər nizam-intizamla yerinə yetirildikdən sonra, Peyğəmbər (s) ilə əshabı Mədinəyə qayıdırdılar. Yol boyu Həzrət Peyğəmbər (s) ümməti üçün vəfatından sonra baş verəcək hadislərədən ötrü çox nigaranlıq keçirirdi.Xalq arasında münafiqlər və onun ölümünü gözləyənlər xilafət və rəhbərliyi əsl yolundan azdırmaq üçün qabaqcadan planlar hazırlamışdılar.O, dost paltarına bürünüb ona hörmət edən münafiqləri görür, amma müşriklərin «Məhəmməd öz adamlarını öldürür» demələrinin qabağını almaq üçün səsini çıxarmırdı. O, bir tərəfdən gələcəkdəki hadisələri görür, digər tərəfdən isə Allahın Әli (ə) haqqında əmr etdiyi borcunu yerinə yetirmək məcburiyyətində qaldığını hiss edirdi.Həmin borc Әli əleyhissalamı xəlifə tə᾽yin etmək idi. Onu özünə xəlifə və canişin seçməklə «peyğəmbər bizi xəlifəliyə seçdi» - deməklə xalqın arasında şək-şübhə yaradanların planlarını puça çıxarmaq niyyətində idi.Vəhy mələyinin Həzrət Peyğəmbərin (s) ruh və qəlbinə nazil etdiyi vəhyin səsi qulaqlarında əks-səda verir: «Böyük bir borcun var. Әgər bu borcu yerinə yetirməsən, elə bir risalətini təlbiğ etməyibsən. Bil ki, Allah səni düşmənlərin hiylə və tələlərindən qoruyacaqdır.»Belə bir risalət günəşinin vəkaləti, vilayət günəşi olmalı idi ki, Peyğəmbərin (s) bütün kamal və dəyərlərinə sahib idi. Bu şəxsiyyət Әli ibni Әbu Talibdən başqa kim ola bilərdi? O Әli ki, Peyğəmbər dəfələrlə onu xalqın arasında tə᾽rifləyib buyurmuşdu: «Әli ümmətimin ən bilicisidir. Mən elmin şəhəriyəm, Әli də onun qapısıdır. Hər kəs mənim elmimi öyrənmək istəyirsə, Әliyə müraciət etsin».Elə buna görə də həzrət Әli əleyhissalam minbərdə həmişə belə deyərdi: «Ey camaat! Məni əldən verməmişdən əvvəl, istədiyinizi soruşun!»Allahın əmrinə görə həzrət Peyğəmbər (s) Allahın buyurduğu şəkildə islam dinini təkmilləşdirmək üçün Әli əleyhisslamı xəlifəliyə seçmək qərarına gəldi. Və qədir günü Allahın öz Peyğəmbərini təbrik edib müjdə verərək «Bu gün islam dinini mükəmməl edib sizlərə ne᾽mətimi tamamladım» - dediyi gün olaraq tarix səhifələrinə yazıldı.Demək, bu müqəddəs bir qayıdış eləcə də bərəkətli bir həcc idi. Yüz iyirmi mindən çox insan Peyğəmbərlə birlikdə idilər.Onların hamısı Zil-həccə ayının 18-də Cöhfə deyilən yerdə Qədiri-xum adlı məntəqəyə çatdıqları vaxt Həzrət Peyğəmbər (s) karvanların dayanmasını əmr etdi. Peyğəmbərin (s) əmri ilə hamı o isti havada dayanıb öz-özlərinə fikirləşirdilər ki, mütləq əhəmiyyətli bir məsələ vardır ki, Peyğəmbər bizi bu istidə saxlayıbdır. Onların düşündükləri kimi həqiqətən də bu mövzu çox əhəmiyyətli idi.Peyğəmbər üçün dəvələrin cihazından ibarət bir minbər düzəltdilər. Bir neçə nəfəri də camaatın arasında Peyğəmbərin sözlərini təkrar etmələri üçün yerləşdirdilər.Həzrət Peyğəmbər (s) ətrafındakı əshabı ilə gəlib minbərə çıxdı və belə buyurdu:«Ey camaat! Mən peyğəmbərlik vəzifəmi yerinə yetirib var qüvvəmlə çalışdım. Bilin ki, özümdən sonrakılar üçün iki dəyərli şeyi (əmanəti) qoyub gedirəm. Bu ikisi bir-birindən heç vaxt ayrılmazlar:Allahın kitabı.Әhli-beytim.Daha sonra hamının görə bilməsi üçün həzrət Әli əleyhissalamın əlini uca bir bayraq kimi qaldırıb buyurdu:«Mən hər kəsin mövlasıyamsa, bilsin ki, Әli də onun mövlasıdır. Allahım! Әli ilə dost olanla dost, düşmən olanla isə düşmən ol. Ona yardım edənə yardım et. Onunla müharibə edənlə düşmən ol. Ey burada olan müsəlmanlar, burada olmayanlara sözlərimi yetirin. Inşaallah ki, eşidib qəbul edərlər». ӘLI ӘLEYHISSALAMIN XӘLIFӘ SEÇILMӘSI
Qüdrət və vəzifəyə çatmaq üçün islamı qəbul edən və özlərini Peyğəmbərlə birlikdə göstərməyə çalışanlar, xəlifəliyi Bəni Haşim nəslindən almaq üçün gizli yığıncaqlar keçirirdilər.Onlar planlarını həyata keçirməkdən ötrü münasib bir fürsətin sorağında idilər. Çünki bilirdilər ki, qarşılarında olan şəxsin islama xidmətlərini hamı təsdiqləyib. Peyğəmbər onun haqqında tövsiyə edib və Qədiri-xum günündə hamı ona bey᾽ət edibdir. Peyğəmbərin (s) vəfatından sonra həmin planlar ardıcıl surətdə həyata keçirilməyə başlamışdı. Belə ki, həzrət Әli əleyhissalamı, o yüksək şəxsiyyəti susmaq məcburiyyətində qoymuşdular. Çünki o, təkcə islamı düşünür, məqam və vəzifəyə meyl göstərmirdi. Әgər məsələni qılıncla həll etməyə cəhd etsəydi, düşmənlərinin arzusunu yerinə yetirmiş olacaqdı. Yə᾽ni islamdan heç bir əsər qalmayacaqdı.Әli (ə) və Fatimənin bu hadisələr qarşısında sükut etməsi, xüsusən də Osmanın hakimiyyətinə nüfuz etmiş Әməvi dövlət adamlarının vəzifələrindən sui-istifadə etmələri və ədalətsiz rəftarları xalqı ayıltmışdı və artıq hamı başa düşmüşdü ki, islam xəlifəliyi siyasətçilərin əlində oyuncağa çevrilibdir ki, Allah ilə Peyğəmbərin istəyi isə bu deyildir.Nəhayət xalqın narazılığı ən yüksək zirvəsinə çatdığından inqilab qığılcımı xalq kütlələrinin ürəyində alovlanmağa başlamışdı.Vəziyyətdən bezmiş xalq coşqun bir sel kimi Osmanın evinə tərəf axıb onu qılıncdan keçirmişdilər.Xalq o qədər coşmuşdu ki, həzrət Әli əleyhissalamın Osmanın canını qurtarmaq üçün göndərdiyi imam Həsən (ə) və imam Hüseyn əleyhissalamın sözünə də qulaq asmamışdılar. Camaat qılınclarından qan damarkən və həyəcan odunda yanarkən həzrət Әli əleyhissalamın evinə tərəf axışıb böyük bir məhəbbət və sevinclə onu özlərinə tərəf çəkib bey᾽ət etdilər və beləliklə, onu özlərinə xəlifə və rəhbər seçdilər. ӘLI ӘLEYHISSALAMIN HÖKUMӘTI NӘ ÜÇÜN MӘĞLUBIYYӘTӘ UĞRADI?
Həzrət Әli əleyhissalam xalqla bey᾽ət etdiyi vaxt belə demişdi: «Mən haqqa əməl edəcəyəm və dinimi kimsənin dünyasına satmayacağam. Dəlilsiz heç kimi vəzifə başına qoymayacağam. Təkcə onların keçmiş xidmətlərini nəzərdə tutacağam. Әgər mə᾽murlarım xəta etsələr, onları bağışlamayacaq dərhal vəzifələrindən azad edəcəyəm. Heç bir məzəmmətdən qorxmayıb qətiyyətlə rəftar edəcəyəm. Beytül-malı hətta öz oğluma belə dəlilsiz verməyəcəyəm.» Amma təəssüflə həzrət Әli əleyhissalamın ədalətli hökumətini dünya malına düşkün olanlar bəyənməmişdilər. Onlar ilk addımda belə həzrət Әli əleyhissalamı tək qoyub əleyhinə üsyan etməyə başladılar. Təlhə və Zübeyr Osmanın intiqamını almaq üçün Mədinəyə gedib Ayişəni bu işə qol qoyması üçün təhrik etmişdilər. Onlar vaxtilə Peyğəmbərin həyat yoldaşı olan Ayişənin mövqeyindən istifadə edərək böyük bir qrupu öz ətraflarına yığıb qoşun ilə həzrət Әli əleyhissalama həmlə etmişdilər.Çünki onlar axmaq adamlara demişdilər ki, guya Osmanın qatili Әlidir. Həmin hadisənin nəticəsində minlərlə müsəlmanın qanı tökülmüşdü və törədilən günahlar da Әli əleyhissalamın boynuna yıxılmışdı. Bu hadisədən sonra Әli (ə) tərəfindən vəzifəsindən azad olunan hiyləgər Müaviyə bu fürsətdən səmərəli istifadə etmək üçün vəziyyəti münasib görən kimi Şamda qiyam edib həzrət Әli əleyhissalama qarşı müharibə e᾽lan etmişdi.Həmin müharibələr Әli (ə) ordusunda xaricilər adlı bir qrupun meydana gəlməsinədək davam etmişdi. Bu qrup nə Әli (ə), nə Müaviyə, nə də Әmr ibni Ası xəlifəliyə layiq görürdü. Onlar hökm yalnız Allahındır şüarı altında qiyamt etmək istəyirdilər. Nəhayət həzrət Әli əleyhissalamı şəhid etdilər. Amma Müaviyə və Әmr ibni Ası öldürə bilmədilər. Beləliklə Әli əleyhissalamın hökuməti məğlubiyyətə uğrayaraq o həzrətin özü də ədalətinin qurbanı oldu. Yə᾽ni əgər Әli (ə), Müaviyə kimi, hiylə ilə hökumət etsəydi, heç kim onu öldürməyə cəhd edə bilməzdi. HӘZRӘT ӘLI ӘLEYHISSALAMIN ŞӘHADӘTI
Nəhrəvan müharibəsindən sonra xaricilər adlı bir dəstə Məkkədə hər gün yığıncaqlar təşkil edib Nəhrəvanda ölənlər üçün ağlayırdılar. Bir gün onlar öz aralarında belə bir fikrə gəldilər ki, oturub ağlamağın mə᾽nası yoxdur. Islam hökumətini devirib qardaşlarımızı öldürən adamları məhv etməliyik. Әvvəlcə Әli, Müaviyə və Әmr ibni Ası öldürmək lazımdır. Bu üç nəfəri öldürmək üçün könüllülər tələb olunduqda ibni Mülcəm (lə᾽) ayağa qalxıb «mən Әlini öldürəcəyəm» dedi. Daha sonra Әmr ibni Bəkri Təmimi «mən də Әmr ibni Ası öldürəcəyəm» söylədi. Bir başqası da Müaviyəni öldürməyi öz öhdəsinə aldı.Onların üçü də and içib mübarək Ramazan ayının 19-u planlarını həyata keçirmək üçün münasib vaxt bildilər. Sonra isə qərarlaşdıqları günü gözləmək üçün öldürəcəkləri adamların yaşadıqları şəhərlərə yollandılar. Təəssüflər o iki nəfər işlərində müvəffəq olmadılar, amma Ibni Mülcəm (lə᾽) müvəffəq oldu.Ibni Mülcəm (lə᾽) Kufəyə gəlib Әli əleyhissalamın düşmənləri ilə əlaqə yaradaraq Ramazan ayının 19-cu gününə qədər onların evində qaldı.Bir gün Әli (ə) Kufə küçələrindən birində onunla qarşılaşdı. Ibni Mülcəm (lə᾽) özünü gizlətmək istədisə də Әli (ə) onu görüb belə buyurdu: «Kufəyə nəyə gəldiyini bilirəm».Bu sözləri eşidən Ibni Mülcəm (lə᾽) qorxdu və ayaqları titrəməyə başladı. həzrət Әli əleyhissalama belə dedi: Onda ey Әli əmr et ki, məni öldürsünlər ya zindana atsınlar, ya da sürgün etsinlər».Әli (ə) ona baxıb belə dedi: «Bu üç təklifdən hər birini sənin haqqında tətbiq edə bilmərəm. Amma islam dini öldürmə və cinayətdən qabaq qisası rəva görməz. Səni sərbəst buraxıram ki, bəlkə fikrindən dönəsən».Nəhayət hicri 40-cı ilin Ramazan ayının 19-da Ibni Mülcəm (lə᾽) namazda səcdə halında olan həzrət Әli əleyhissalamın başına zəhərli bir qılıncla vurdu. Bununla da təqva və iman dağını yıxıb həzrət Әli əleyhissalamı şəhid edərək islam dünyasını matəmə qərq etdi. həzrət Әli əleyhissalamın mehrabdakı «And olsun Allaha ki, artıq qurtuldum» səsinin dalınca mələk Cəbrailin səsi yüksəldi: «Vallahi, hidayət sütunları yıxıldı və Әli şəhid edildi.» Camaat Әli əleyhissalamın qatilini tutub imam Həsən-Müctəba əleyhissalama təhvil verdilər. Imamın yaralı bədənini isə öz evinə apardılar.Imam Әli (ə) öz qatili barəsində oğlu Həsənə belə buyurdu: «Oğlum! Mənim qatilim olan bu adama xörək və su verin. Onu sərbəst buraxmayın. Әgər diri qalsam, ona nə edəcəyimi bilirəm. Amma əgər ölsəm, ona bir qılınc zərbəsindən artıq vurmayın.»Amma əfsus ki, Әli (ə) daha yaşamadı. Və Ramazan ayının 21-də, 63 yaşında əbədiyyətə qovuşdu. Onun pak bədəni gizlin şəkildə Nəcəfi-əşrəf şəhərində torpağa tapşırıldı. IMAMDAN QISA KӘLAMLAR
1. Mö᾽min sifətli cahillərdən çəkinin. Çünki onlar Allahdan qorxmurlar.2. Allaha and olsun ki, məni mö᾽mindən başqa heç kim sevməz və münafiqdən başqa heç kim mənə düşmənçilik etməz.3. Dünyadan istifadə edin! Dünyadan ən yaxşı istifadə günahdan çəkinməkdir.4. Allah yanında namazdan xeyirli və yüksək bir əməl yoxdur.5. Müsəlman müsəlmanın aynasıdır. Әgər bir müsəlman səhv etsə, xoşluqla ona nəsihət edib, yol göstərin. AŞAĞIDAKI SUALLARA CAVAB VERIN
1. Niyə Әli (ə) Kə᾽bədə dünyaya gəldi?2. Peyğəmbərimiz (s) Әli (ə) haqqında öz əshabına nə buyurdu?3. Әli (ə) nə üçün düşməninin sinəsinin üstündən qalxaraq həmin anda onu öldürmədi?4. Әli əleyhissalamın əhəmiyyətli sifətləri hansılardı?5. Qədiri-xum hadisəsini necə qiymətləndirirsiniz?
Baxış sayı: 4
Açar sözlər: imam
Hicab ismət və iffətdir və ismət və iffət isə ailənin əbədi səfa və sağlamlığının zəmanətidir. Ailənin təhlükəsizlik, sağlamlıq və səmimiliyini qoruyub saxlamaq üçün ər və arvadın hər birinin vəzifələri vardır. 
Qadının vəzifəsidir ki, naməhərəm kişilərlə üzləşdikdə hicablı, ismətli, iffətli, mətanətli olsun və öz gözəlliyini örtsün, naməhrəm qarşısında işvə və naz-qəmzə etməsin və bunulada öz əmanətdarlığ, vəfa və eşqini ərinə sübut etmiş olsun. Kişinin vəzifəsidir ki, arvadına vəfadar olsun. Naməhrəm qadınlara baxmasın. Çünki naməhrəmə baxmaq ehtirası alovlandırır və buda yoldan çıxmağa səbəb olur.Çünki göz gözələ baxmaqdan doymur və gördüyünü istəyir. Nəticədə isə namus, iffət və ismət yolundan kənara çıxır və xalqın namusuna xəyanət edir. Hədislərdə buyrulub ki, naməhrəmə baxmaq şeytanın zəhərli oxlarındandır. Bu oxlar sağlam bir ailənin səfa və sağlamlığını zəhərləyir və təhlükəsizlik divarlarını yıxır və yıxılmış divarlardan pislik, dava-dalaş və vəfasızlıq ailəyə hücum çəkir. Başqalarının dalınca baxan hərzə və həyasız gözlər, daha öz ailə və övladalrının gözəlliyini görə bilməyəcəkdir. Öz həyat şəriki onun gözündə görünməyəcəkdir. O nə qədər özünü bəzəsə və gözəl geyinsədə, yenə də ərinin həris və şəhvətpərəst gözləri onu çirkin görəcəkdir. *... Ərimlə bir-birimizi çox sevirdik... Amma bu yaxınlarda çox pis bir adət tapmışdır. Nə geyirəm bəyənmir. Deyir filankəsin arvadı səndən gözəl geyinir və xoş səliqədir. Gözü başqa qadınların 
arxasıncadır. Həmişə başqalarının gözəlliyini mənim üzümə vurur... Hansı qonağlığa və ya toya getsək, məni unudur və başqa qadınlarla deyib-gülür və gözləri naməhrəm üzlərdə gəzir, elə bil heç mən onun yanında deyiləm... Ürəyimm odlu, gözlərim yaşlıdır... Artıq bunlara dözə bilmirəm... İki körpə balamı da götürüb getmək istəyirəm... Xahiş eliyirəm mənə bir yol göstərin... Mümkündürsə ərimə də nəsiət edin... Axı niyə başqalarının dalına düşüb? Niyə mənim ürəyimə od vurur? Niyə gözəl həyatımızı məhv edir? Niyə vəfasızlıq edir?...?... Həyatın şirin olması və viran olmaması və həyat şəriki və ömür yolu dostunun ürəyini kədərli və odlu etməmək üçün kişiyə vacibdir ki:Öz ailəsini sevsin, onlara qiymət versin, həyat yoldaşına vəfalı olsun, ona xəyanət etməsin, onu başqa qadınların yanında aşağı tutmasın, naməhrəmlərlə deyib-gülüb və şəhvətpərəstliklə onlara baxmasın. Həmçinin arvadında vəzifəsidir ki, öz analıq məsuliyyətinə qiymət versin, ailəsinin iffət, ismət və namusunu və həmçinin öz gözəlliyini naməhrəmlərdən və yad gözlərdən qorusun. Naməhrəm kişilərlə deyib-gülməsin, gözəlliyini həvəsbaz gözlərə yem etməsin, İsalmi örtəyə riayət etsin.Qadına ata, qaynata, qardaş və ərindən başqa bütün kişilər naməhrəmdirlər. Bəzən qadınlar yaxın qohumlardan olan kişilərdən şəkinmir və onlarla zarafat edib, deyir-gülür və elə bilir ki, onlardan ona bir pislik gəlməz. Lakin həyatda görmüşük ki, bəzən belə qohumlar qadının təmiz ürək və pak qəlbli olmağından istifadə edib, ona qarşı pis niyyətdə olublar. Qadının pak qəlbli, xoş niyyətli və sadə olması, ona bu cür adamların şeytan niyyətlərini görməyə qoymamış və bu cür açıq-saçıqlığların axırı kədərli sonluqlarla nəticələnmişdir. Buna görədə qadınlar gərək, əmi, dayı, bibi və xala oğlu və bacı, bibi, xala ərləri və bunlar kimi kişilərin yanında hicablı və dini örtüudə olmalıdırlar ki, bunlar həm naməhrəmdirlər və həmdə bunlarla deyib-gülüb, həddindən artıq zarafat etmək, əksər hallarda ərə pis təsir edir və onun qadına qarşı meyilsizliyinə səbəb olur. Buna görədə ailənin xoşbəxtliyini qorumaq üçün həm kişi və həmdə arvad naməhrəmlərdən qorunmalıdırlar. Kişilərin nəzərinə:Kişilər mühüm bir nöqtəyə diqqət etməlidirlər və o da budur ki, doğrudur, qeyrətli olmaq yaxşı və bəyənilmiş bir sifətdir. Hər kişiyə öz namusunu və ailəsinin şərəf, iffət və ismətini qorumaq üçün tam qeyrətli olmaq lazımdır. Amma qeyrətində həddi vardır ki, bu həddi aşmaq insanın zərər və ziyanınadır. Islam dinin hökmü budur ki, Allah-taala və peyğəmbərin (s) insanlardan istəmədiyini, sizdə onlardan istəməyin və “əmr be məruf və nəhy əz münkər” – yaxşılıqlara dəvət və pisliklərdən çəkindirmək - etdikdə dost, mehriban və qayğıkeş olun və dediklərinizə özünüzdə əməl edin. Allah-taala qurani-kərimdə buyurur: “Ey iman gətirənlər! (Sözləriniz, iş və hərəkətlərinizdə) Allahdan və Peyğəmbərindən önə keçməyin. Allahdan qorxun. Həqiqətən, Allah (hər şeyi) eşidəndir, (hər şeyi) biləndir!”Həddindən artıq tələbkar olmaq, kobudluq, nifrət və insanların səndən uzaqlaşmasına səbəb olacaqdır. Müqəddəs İsalm dininin doğru, düzgün və güclü qayda və üsulları vardır ki, bu qaydalardan kənara çıxmaq, insanları hidayət yolundan azdırıb, azğınlığa sürükləyəcəkdir.
- Töhəful üqul, İmam Sadiq (ə);
Baxış sayı: 8
Açar sözlər: hicab
Balığı quyruğunda gümüşü rənglərlə yazılmış "Allahdan başqa məbud yoxdur" kəlamı
Təxminən 200 il bundan əvvəl Zənzibarda belə bir hadisə baş verib.Bağdaddan gələn tacir yerli balıqçıların satdıqları dəniz əcaiblərinə baxa-baxa gedirdi və birdən onun diqqətini zənci yeniyetmənin böyük bir səbətdən boşaltdığı balıqlar cəlb edir.Sanki balıqlar uçmağa hazır idilər, onlar çırpınır və müxtəlif rənglərə çalırdılar - al qırmızı, bənövşəyi, zümrüdü, göy, firuzəyi... Tacir beş düymdən artıq olmayan zümrüdü rəngli bir balığı tutur və birdən onun quyruğunda gümüşü rənglərlə yazılmış "Allahdan başqa məbud yoxdur" kəlamını görərək heyrətdən donub qalır.O bu balığı gəmisi ilə, balığın tutulduğu hind okeanının suyu olan qabın içində öz evinə aparır.Və bütün müsəlman dünyası okeanın bu gözəl hədiyyəsini - ilahi möhürü olan balığı görür.
Bu möcüzə arxasınca bütöv ekspedisiyalar təşkil edilirdi və balıqlar saray akvariumlarının və hovuzların adi bəzəyindən qiymətli əmtəəyə çevrilirdi.Sonralar bu balıq-kəpənəyi təsvir edən zooloq Jorj Küvye onu sualtı mərcan qayaları və hind okeanı adalarında yaşayan üzüdişlilər sinfinə aid etmişdi.Onları görənlər bu balıqların ecazkar gözəlliyi və suyun içində par-par parıldamaları barədə danışırdılar.Balığın quyruğunda yazılmış ilahi sözlərə gəldikdə isə, ərəb dilini oxuya bilən hər kəs onu gümüşü xəttlər və nöqtələr vəhdətində görə bilər.("Elm və din" jurnalı)
Zənzibarda tutulmuş balıq haqqında amerikalı alim J.R.Normandın sözlərini də göstərək: "Zənzibarın akvariumlarının birində üzərində ərəb şrifti olan təəccüblü balıq tapılmışdır.Balığın quyruğunda bu sözlər yazılmışdı: "Lə iləhə illə-llah" (Allahdan başqa heç bir məbud yoxdur) və "Şanu Allah" (Alaha alqış olsun).Bu hadisə böyük hay-küyə səbəb oldu və bir neçə sentə satılan bu növün qiyməti həmin an 5 min rupiyə qalxdı.Amma burada məsələ qiymətdə deyil və bu möhürü özündə gəzdirən canlılar - aləmlərin hökmdarı Allah haqqında bir xəbərdarlıqdır.“Gerçəyə doğru” kitabından
Baxış sayı: 6
Açar sözlər: balığ
